Харизматичниот роман на Виктор Ремизов, што беше финалист на престижните награди „Биг Бук“ и на рускиот „Букер“, е приказна за луѓето и за нивната волја за слобода во рускиот далечен исток.

Покрај дивата тајга, брзите потоци полни со риба и самурите со скапоцено крзно постои паралелен свет што, непречен од непредвидливоста на мајката природа во овие сурови краишта, упорно наоѓа патишта да се кристализира во корумпирани полицајци, ловокрадци и по некој залутан банкар од Москва.

Наскоро, овој вековен екосистем е нарушен од амбициозниот полициски службеник, кој во желбата за брз напредок низ полициските рангови предизвикува конфликт помеѓу мештаните-ловокрадци индиферентни кон законите во оваа дива земја, локалната корумпирана полиција која им прогледува низ прсти и властите во Москва.

Приказната кулминира кога хеликоптерот на руските специјални сили, дојдени да воспостават ред во дивите населби, е разнесен над тајгата. Поетот, селскиот бард, активира граната во леталото и ги спасува пријателите – прогонетите ловокрадци.

Романот на Ремизов нуди уникатно ретрочувство што го повикува назад духот на подзаборавениот социјален расказ и му дава нов живот. Место каде што природата, селаните, ловокрадците и руските институции луцидно се испреплетуваат во критика на руското модерно општество. Паралели или сличности со кинематографското остварување на Андреј Звјагинцев, „Левијатан“, се пожелни.

Коментари

коментари

СПОДЕЛИ
Претходна објаваМоден водич од новото издание на серијата Династија!
Следна објаваСами направете пакетче за себе и за најблиските!
Задолжена за најблагорoдната навика, наклонетоста кон книги. Стои на ставот дека умереноста е универзален клуч, нејзината перфекционираност јасно ги селектира информациите со кои врши промоција на книжевната уметност. Живеејќи неколку животи паралелно - како читател и автор, приврзаничка е на ендемичниот вид на автори, модерен конзервативец кога се во прашање вредностите на животот, а истовремено, вечна вљубеничка во убавото.

НЕМА КОМЕНТАРИ

ОСТАВЕТЕ ОДГОВОР