Излезе од печат македонскиот превод на дистопискиот роман „Градот Бохејн“ на ирскиот писател Кевин Бери, како дел од едицијата „Прошетка низ Европа“.

Дејството на романот се одвива четириесет години во иднината. Некогаш великиот град Бохејн на западното крајбрежје на Ирска е на колена, заразен од пороци и поделен по племенски линии. Има угледни делови од градот, ама всушност градот живее во гетата и сокачињата на Дименград, зградите на Северните Висини и морничавите мочуришта на Големата Ништотија.

Со години градот го држела ладната тупаница на Логан Хартнет, елегантниот кум на бандата Хартнет Дотераните. Но, во воздухот виси една опасност. Велат дека неговиот стар непријател се вратил во градот: неговите верни следбеници стануваат амбициозни, „госпожата“ бара од него да се откаже од сè и да води уреден живот. А тука е и мајка му…

„Градот Бохејн“ од Кевин Бери е визионерски роман што ги спојува влијанијата од филмот и илустрираниот роман, од тројански удари и калипсо-ритми, од келтските митови и легенди, од фадо и сагите, и од сите големи наследства на ирската книжевност. Дело на маѓепсувачка фантазија и амбициозна лингвистичка инвентивност, вкусот на славното и новото.

Кевин Бери е ирски писател, добитник на бројни награди – наградата за најдобар прв роман од Клубот на писатели, наградата Руни за ирска литература и наградата на Сандеј тајмс од И-еф-џи прајват банк за кратки раскази и беше номиниран за наградата за прв роман Коста. За романот Градот Бохејн“ ја освоил престижната Награда за литература на Европската Унија. Неговите приказни се објавувани во Њујоркер, Гранта Бук и многу други списанија.

Преводот на романот од ирски е на Драган Георгиевски, а дизајнот на корицата го изработи Прокопие Ќаев, еден од победниците на студентскиот конкурс за дизајн на корици организиран од издавачката куќа Арс Ламина. Целиот проект, со наслов „Прошетка низ Европа“, е поддржан од Програмата „Креативна Европа на Европската унија“.

СПОДЕЛИ
Претходна објаваРаскошни и совршени модели на Elie Saab!
Следна објаваПоследните фотографии на Cass Bird за People!
Задолжена за најблагорoдната навика, наклонетоста кон книги. Стои на ставот дека умереноста е универзален клуч, нејзината перфекционираност јасно ги селектира информациите со кои врши промоција на книжевната уметност. Живеејќи неколку животи паралелно - како читател и автор, приврзаничка е на ендемичниот вид на автори, модерен конзервативец кога се во прашање вредностите на животот, а истовремено, вечна вљубеничка во убавото.

НЕМА КОМЕНТАРИ

ОСТАВЕТЕ ОДГОВОР