Во организација на концертната агенција и продукција „3Гонга“, утревечер, со почеток во 22 часот во ноќниот клуб „Станица 26“ ќе настапи миленикот на скопската публика Рамбо Амадеус, а уште поинтересно е што музичарот доаѓа со својот секстет – Саша Ранковиќ на тапани, Мирослав Товирац на бас, Војно Диздар на клавијатури, Александар Петковиќ на саксофон и Милош Николиќ на труба, обединети под името „Rambo Amadeus & Five Winnetous“.

За неговата музика Пушиќ вели дека пишува за она што сака да го каже во даден момент.

„Пишувам песни за теми, кои тешко можат да се преведат во стихови. Музиката е последица на состојбите и развојот на еден општествен систем или дијагноза на сликата на еден систем. Во капитализмот профитот е причина за се, па и за музика. Затоа моите настапи како и овој во Скопје е концерт за работниот народ, напредната младина и чесната интелигенција“. 

Во овој состав од музичари, Рамбо покрај тоа што ги изведува своите најголеми хитови, обоени со интелектуална иронија и критика, тој има можност да ги покаже и изрази сите музички стилови, со кои вешто манипулира – од џез, преку хип хоп до драм енд бејс. Неговите изведби во живо никогаш не се анемична репетиција на снимените песни од неговите албуми, туку виртуозен микс од музички импровизации, дополнети со спонтани хумористични елементи. Па затоа, неговиот музички израз, критиката и фановите ја споредуваат со оној на Френк Запа. Неговата досегашна дискографија е исклучително колоритна и богата. Неговиот музички багаж брои над 11 студиски албуми, четири албуми снимени во живо, неколку компилации и еден EP.

Веќе на 30 ноември следната вечер во Станица 26, со почеток во 22 часот „3Гонга“ со гордост ви ја претставуваат трио формацијата „Trace Elements“ на прочуениот Paolo Di Sabatino со познатиот американски тапанар Dennis Chambers. Ова е трето доаѓање на Чемберс во Скопје. Првиот пат настапи со англискиот гитарист Јohn Мclaughlin и еднаш на големиот концерт со Сантана. Легендарниот тапанар кој настапуваше со најголемите имиња од светската музичка сцена, заедно со Паоло Ди Сабатино и Христијан Галвез ја завршуваат својата европска турнеа токму во Скопје. Не пропуштајте го овој ексклузивен настан. Следната година на 8 ноември Денис повторно ќе настапи во Скопје заедно со Victor Wooten и  Bob Franceschini.

Коментари

коментари

СПОДЕЛИ
Претходна објаваSKOPJE DESIGN WEEK NO. 7 ЗАВРШИ
Следна објаваУникатен хотел со облик на гитара се гради на Флорида!
Пилотот кој раководи со летот кој ја открива креативната страна на животот е вечен поддржувач на широката палета уметности, со хиперактивен печат. Без ефект на изненадување поради уметничкиот допир од мали нозе и израснувањето во семејна атмосфера на вистински уметници прават од него модерен боем, шармантен екцентрик, вистински гурман, патувач и трагач по креативитет низ секој агол на планетата. Затекнат во маркетингот и односите со јавност, не успева да се оддели од креативниот максимум во секоја сфера на живеењето.

НЕМА КОМЕНТАРИ

ОСТАВЕТЕ ОДГОВОР