Три клучни трендови за претстојната есен / зима 2017!

Трендовите за есен / зима 2017, имаат добри вести за вашиот гардеробер. Се прашувате, кои се тие?

Па, ајде да речеме дека спротивно на старомодниот систем во кој ова е “IN”, а тоа “OUT”,  дизајнерите за претстојната есен и зима, ги срушија сите правила. Иако голем број на трендови доминираат веќе трета или четврта сезона, како што се огромните плетенини во комбинација со миди здолништа, следната сезона носи некои трендови кои сигурно веќе ги имате во вашиот плакар, а сепак се уште ќе бидат модерни.

Црвено од глава до пети

Ако има некоја боја која буквално вреска и вели: “Јас сум во трендот”, тогаш тоа е дефинитивно црвената. И тоа не само како детаљ. Судејќи по ревиите на  Fendi, Givenchy, Roksanda и Max Mara, ова е бојата која одговара на сите тонови на кожата. Значи, облечете се во црвено, од глава до пети.

 Предимензирано и меко

Иако се преголеми, односно нагласени, дизајните од 80-тите години на минатиот век, следната сезона ќе ја зајакнат својата позиција меѓу трендовите. Исто така, меките пердув-јакни ќе продолжат да доминираат на модните писти. Таквите модели можеа да се видат на ревиите на големите брендови како Balenciaga, Mulberry, Céline…

 Крзно и пердуви

Ако Miuccia Prada вели дека сè е подобро со крзно и пердуви, кој сме ние да и се спротивставиме? Prada не е единствената модна куќа, која комбинираше со различни текстури во колекцијата за есен / зима 2017. Такви модели можеа да се видат на многу модни ревии како на Marni, Sonia Rykiel и се разбира, Prada.

Не ви преостанува ништо друго,  туку да се фрлите на пребарување на фундусот во вашиот гардеробер. Кој знае што неочекувано ќе најдете, можеби некое парче, кое дефинитивно ќе направи да бидете во трендот.