10.000 долари за шише со фантастичен рум!

Познатиот произведувач на рум од бермудскиот острови Gosling Brothers Limited, тукушто претстави едно од најлуксузните пакувања на рум.

Карибите се епицентарот на денешното производство на румот, со околу 80% од светското производство. Румот долго време се користел и за медицински потреби. По тоа посебно била позната британската морнарица, која на своите морнари им давала напитоци од рум и вино, за да ги заштити од скорбут. Оваа мешавина била позната под името „Tot o’ rum“, а во румот и виното се додавало и лимета.

Сериски обележеното шише на црниот рум Goslings Black Seal Rum од 750ml се наоѓа во дрвена кутија која е рачна изработка, а со неа доаѓа и фантастично кристално шише кое претставува реплика на America Cup трофејот “Auld Mug“. Ексклузивното пакување содржи стаклен чеп за шишето и книга со кожни корици, каде точно се опишува процесот на производтсво, како и мал дегустацијски дневник.

Преубавата дрвена кутија е изработена од англиската компанија Moran Wood Components, додека кристалното шише го креираше компанијата Dartington Crystal. Креирани сe само 166 примероци од овој ексклузивен сет, по цена од $10,000.