Koh Samui е најпознат по своите плажи полни со палми, кокосови дрвја и густи планински прашуми.
Тоа е едно од најдобрите острови за идиличен и романтичен одмор. Има се што ви е потребно за уживање – од прекрасни плажи, преку бујната вегетација, се до бројни активности во кои можете да уживате, како во водата така и на копното. Ако планирате патување во оваа рајска локација, еве неколку работи кои треба да ги направите.
Koh Samui е мало острво каде со автомобил или скутер може да ги посетите сите негови интересни знаменитости и да откриете нови и единствени места. Секако, ако сакате, можете да истражувате пешки или качени на слон. Било што да одберете, пред вас е цел свет на забава и авантури.
Bai Liang Pad Kai’ – е локален специјалитет со посебен вид на зеленчук и јајца, кои можете да ги пробате само на Koh Samuiu.
Музејот Art Samui, на своите посетители им нуди најдобро од уметноста, содржи бројни парчиња од Tрик уметноста, заради кој има голема посета. Трик уметноста е форма на уметност која го наведува човечкиот мозок да верува дека сликата пред него е тродимензионална.
Air Bar во InterContinental Koh Samui, претставува единствена дестинација за љубителите на коктелите. Хипнотизирачката палета на бои кога е залезот на сонцето, е со безброј нијанси на сината и зелената боја, додека уживате во коктелите кои ги спремаат миксолозите познати низ целиот свет.
Морате да го посетите храмот Plai Laem, пазарот Hua Thanon Muslim, плантажата Kow Pom, видиковецот Giant Summit, производството на кокос во OTOP, рибарското село Tongkrut, пагодата и пештера Laem Sor, како и кинескиот храм во Hua Thanon.
