Уметникот Скот Наисмит од Шкотска, кој има посебна дарба за сликање пејзажи, е автор на серија слики- масло на платно, кои ги прикажуваат убавините на неговата татковина. Во неговите дела тој користи палета на бои со кои умешно ги доловува деталите од секој пејзаж, како што се моментот кога заоѓа сонцето, одразот на водата на брегот и слично. Неговата интересна сликарска техника мошне успешно доаѓа до израз токму на слики од природата.
