Кога ќе се спојат модерната архитектура и медитеранското опкружување и тоа на прекрасен остров, се добива прекрасна вила за одмор покрај море. Една ваква вила се наоѓа на островот Крк во Хрватска и претставува врвно достигнување на архитектите од студиjата Degrad и Lotus Architecti од Хрватска.
Villa Vancialla воодушевува, како со екстериерот, така и со ентериерот. Мирното медитеранско опкружување и мирисот на лаванда ја прави идеална за совршен одмор. На влезот на куќата има голем базен на кој можете да се опуштите, ако не сте љубители на одењето на плажа. Внатре, на приземјето се наоѓа отворен простор кој обединува кујна, трпезарија и дневен престој заедно. На првиот кат има пространа спална соба, тоалет, две помали соби и тераса со поглед на море. Архитектите велат дека сакале да направат нестандардна куќа на море, со лукзуен ентериер и внимателно одбрани детали.
