The_Little_Prince_IMG0_big

Пилот се урива во пустина и сретнува мало момче од далечна планета.

Од Марк Озборн доаѓа првиот досега анимиран филм адаптиран на ремек-делото на Антоан де Сент Егзипери – ,,Малиот принц’’. Во срцето на оваа приказна се наоѓа малото девојче, кое нејзината мајка ја подготвува за светот на возрасните во кој тие живеат – и е прекината од нејзиниот ексцентричен, добродушен сосед авијатичарот.

The_Little_Prince_IMG1_big

Авијатичарот ја запознава со еден извонреден свет каде сѐ е можно. Свет, во кој тој бил претставен одамна од страна на Малиот принц. Тука започнува магичното и емоционално патување на девојчето во нејзината имагинација, и започнува универзумот на Малиот принц. Таму девојчето го дознава своето детство и дознава дека во крајна линија, човечките врски се основни и само со срцето можат да бидат видени.

The_Little_Prince_IMG2_big

Анимираната верзија на „Малиот принц“ ќе ве потсети на детството. Ќе ја откриеме повторно една од најсаканите и најинспиративните приказни на сите времиња – филмот кој е полн со сознанија и поуки. Филм за млади и стари, кој не научи дека најубавите нешта се невидливи за очите, туку можеме да ги почувствуваме само со срцето. Ќе започне магичното и емоционално патување во универзумот на Малиот Принц.

The_Little_Prince_IMG3_big

Во филмската верзија има две наративни линии, при што секоја има специфична анимација. Режисерот Марк Озборн сакал да остане верен на оригиналната книга, па во филмот направен со помош на компјутерска анимација користел две техники – тродимензионална слика (3Д) за прикажување на реалниот свет и техниката „stop-motion” за секвенците инспирирани од романот. Гласовите на ликовите ги позајмуваат актерите Џеф Бриџис, Џејмс Франко, Марион Котијар, Рејчел Мекадамс, Бенисио Дел Торо и Пол Рад, додека зад сценариото на филмот се потпишуват Ирена Бригнул и Боб Персичети.

The_Little_Prince_IMG4_big

„Малиот принц” е една од најпознатите книги за деца и млади во светот. Објавена е во 1943 година, а досега е преведена на повеќе од 200 јазици и продадена во преку 140 милиони примероци. Според неа е снимен американско-британски филм во 1974 година, четири години потоа и јапонска анимирана ТВ серија, а изведувани се и повеќе музичко-сценски дела на таа тема.

The_Little_Prince_IMG5_big

Премиерното прикажување на „Малиот принц’’ пред македонската публика беше на 17.12.2015, по што филмот е поставен на редовната кино програма во Cineplexx.

Divianarts.com е медиумски покровител на кино Cineplexx МК.

Коментари

коментари

СПОДЕЛИ
Претходна објаваНеделен хороскоп од 21.12 – 27.12.2015
Следна објаваПоетични црно-бели илустрации
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ