Базиран на една од најпопуларните и најпродавани видео игри, „Агентот 47“ е едно ново филмско претставување на врвниот и генетички создаден убиец, познат само како 47.

Hitman_IMG1_big

Постои теорија дека овој број се појавува почесто од другите! Дали станува збор само за случајност или има нешто повеќе зад загадочниот број 47? Имено, во светот постои „Друштво 47“ тврди дека овој број има посебно значење, односно дека овој случаен број се појавува почесто од другите.

Hitman_IMG2_big

Споменатото здружение му се посвети на истражувањето на овој интересен феномен и тврди дека бројот 47 се појавува почесто од другите. Овој феномен за првпат бил забележан на колеџот Помона од професорот Доналд Бентли, кој сакал да ја докаже својата теорија за бројот 47 и неговата зачестеност. Иако многумина сметаат дека ова е само случајност или само обична интересна теорија, оние кои се нејзини приврзаници наоѓаат „докази“ кои им одат во прилог. Има многу примери, а некои од нив се – должината на пит-стоп патеката во Индијанаполис (47 стапки), Женевската конвенција ја потпишаа 47 држави, Садам Хусеин имал 47 бункери, за филмската награда Оскар право на глас имаат 47 членови…

Hitman_IMG3_big

Најновиот пример е ,,Хитмен: Агент 47’’, новиот филм снимен според од најпопуларните и најпродавани видео игри. Овој акционен филм е во режија на Александер Бах, додека главните улоги ги толкуваат Захари Квинто, Руперт Френд и Циара Хиндс.

Hitman_IMG4_big

Агентот 47 e познат по двете последни бројки на неговиот бар код кој му е истетовиран на тилот. Претставува врвен дострел на децениско истражување и е клон на претходниот Агент 46. Има непредвидливи сила и брзина, а згора на сè тој е натпросечно интелигентен. Последната мета на Агентот 47 е корпорацијата која сака да го открие неговото минато за да создадат војска од уште поефикасни убијци. На оваа задача Агентот 47 ќе дознае многу нешта за своето потекло, но и ќе ја запознае девојката која е единствената што ја поседува информацијата што ѝ е потребна на корпорацијата. Токму поради неа Агентот 47 ќе ја започне битката со својот најсмртоносен непријател.

Hitman_IMG5_big

Премиерното прикажување на „Хитмен: Агент 47’’ пред македонската публика беше на 27.08.2015, по што филмот е поставен на редовната кино програма во Cineplexx.

Divianarts.com е медиумски покровител на кино Cineplexx МК.

СПОДЕЛИ
Претходна објава10 Автомобили кои доаѓаат, по кои ќе го изгубите умот!
Следна објаваАљаска – сонот на секој авантурист
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ