Одвреме навреме, на светската музичка сцена се појавуваат нови, млади и мошне талентирани уметници кои уште со првата песна очигледно се издвојуваат од останатите. Меѓу таквите квалитетни имиња се најдоа тројца момци: Benjamin Clementine, Leon Bridges и Raury.
Benjamin Clementine
Роден е во 1988 година во Лондон, Англија. Го опишуваат како човек со посебна харизма, интелигенција и огромен музички талент. Инспирација пронашол во музиката на Nina Simone, Anthony and the Johnsons и Edith Piaf. Досега има еден албум со наслов “At Least For Now”. Неговата музика е нешто помеѓу париски трубадур со примеси на џез, соул, опера и рок.
Leon Bridges
Роден во 1988 во Атланта, Лион е вистинско освежување во музичката сцена. Во неговите песни се чувствува влијанието на стариот добар соул и госпел од 60-те години, и музичарите како што се Otis Redding и Sam Cooke. Лион е вистински претставник на овие правци, од стилот на музика, до бојата на глас, фризурата и изгледот.
Raury
Има само 18 години, а веќе наголемо се зборува за неговата светла иднина во музиката. Роден е во Атланта и досега има еден албум со наслов “Indigo Child”. Го опишуваат како млад генијалец кој на хип-хопот му пристапува алтернативно, со комбинација од пеење, рапување и акустична гитара. Очигледно е влијанието на Африка, како и Michael Jackson, Coldplay, Phil Collins и Kid Cudi. Заборавете го сето она што сте го знаеле за хип-хопот и уживајте.
