Уметницата NeSpoon од Полска ќе ве воодушеви на прв поглед. Имено, таа создава вистински уметнички дела, користејќи конец, спреј или глина. Доколку се прашувате што точно изработува, одговорот е еден и единствен. Тантела. Tаа ги користи раскошните модели на тантела како свој заштитен знак, претворајќи ги во керамика, цртежи или плетки, а ги поставува на јавни места. За да ги украси старите или руинирани делови на градот, или само разубави секојдневието, оваа сестрана уметница создава улична уметност со која на естетски начин го менува нивниот изглед. На прашањето зошто токму тантела, вешто одговара дека е препознатлива за секоја култура, а истовремено се смета за погодна и хармонична. Од друга страна, уличната уметност ја прави слободна. Погледнете некои од нејзините дела во галеријата во продолжение.
