1

Внатрешниот дизајн на овој мини стан е одличен пример како може максимално да се искористи лимитираниот простор во домот, без преголем буџет и на едноставен начин. Иако е со мала површина од само 36 метри квадратни, станот делува доволно пространо и нуди сосема удобно чувство во внатрешноста, а притоа опремен е со се’ што е потребно за пријатен живот. Располага со дневна соба, трпезарија, кујна, спална соба, бања, па дури и тераса, благодарение на добриот распоред и функционалните решенија за складирање. Во отворен план се сместени дневниот престој и трпезаријата, формирајќи ја зоната за дружење и социјализација, додека спалната соба е издвоена со преграден ѕид и умешно е сочувана интимата во зоната за одмор и релаксација. Веднаш до неа е и малата, но солидно екипирана кујна со бели елементи и висок фрижидер. Во амбиентот на целиот стан доминтна е белата боја, а збогатена со паркетниот дрвен под кој внесува топлина во просторот, како и внимателно избраните акцентни детали и украси. Орнаменталните декорации, лустери, ѕидните слики и фотографии му даваат шик призвук и динамика на ентериерот, кој низ едноставноста и паметниот дизајн нуди убавина и практичност каква не може да се затекне дури ни во многу поголеми станбени објекти. Вистинска инспирација во мала квадратура – погледнете ги фотографиите и ,,украдете’’ ја омилената идеја и за вашиот животен простор.

2

3

4

5

6

7

8

9

10

Коментари

коментари

СПОДЕЛИ
Претходна објаваБело, кежуал и колоритно за оваа сезона
Следна објаваРимската љубовница – Кејт Квин
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ