Мини двособен стан

Елеганција, стил и комфор во 35 метри квадратни.

Иако е со скромна површина од само 35 метри квадратни, ентериерот на овој мини дом во Шведска е вистинска инспирација за внатрешно уредување. Конципиран е како двособен стан, со елегантен и стилски дизајн, како и низа паметни решенија за складирање и заштеда на простор, без да се загуби од функционалноста и добриот вкус во домот. Со одличен план и организација, станот располага со дневен престој, кујна, трпезарија, а во продолжение се сместени и засебна спална соба со бања. Креиран е отворен распоред во кој собите се поврзани и комуницираат меѓусебно, а со тоа е обезбеден и непречен проток на природната светлина. Наместо со класичен ѕид, бариера помеѓу дневната и спалната соба е стаклената преграда која суптилно ги издвојува просторот за социјализација и интимната зона во станот. Во целиот ентериер доминира лежерното чувство и смиреноста, со примена на светли и неутрални тонови, во комбинација со фини украси избрани со многу вкус. Погледнете ја галеријата во продолжение и одберете ја омилената идеја и за вашиот животен амбиент.

1

2

3

4

5

6

7

8

9

10

11

12

13

14 15

Коментари

коментари

СПОДЕЛИ
Претходна објаваФото на денот | Пејзаж
Следна објаваФотогалерија | 35 години од Факултет за ликовни уметности
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ