1

За оние кои сакаат предизвици при уредувањето на ентериерот, становите во поткровје се идеален простор за нив. Покрај ниско закосените тавани, во ваквите станбени објекти често се појавуваат и разни други архитектонски препреки, кои дополнително го комплицираат планирањето и дизајнот на просторот. Сепак, токму неправилностите и несовршеноста им даваат шарм и карактер, како на луѓето, така и на ентериерите, а најдобар пример е ова поткровје во кое слабостите и маните се вешто претворени во полезни елементи.

6

Станува збор за простран шведски стан чиј дизајн комбинира неколку стилови, а акцентот е ставен на скандинавскиот. Зоната за дружење и социјализација е сместена во отворена целина која ги обединува дневниот престој, кујната и трпезаријата. Паркетниот под, дрвените греди, циглените ѕидови и каминот во средиштето на просторот му даваат даваат посебна топлина на ентериерот.

12

Во интимната зона на домот, пак, сместени се три спални соби (голема за родителите и две помали за децата) и бањата. Нема кој нема да се сложи – поткровјето нуди несекојдневен амбиент и доживување какво не може да се искуси во останатите станови. Разгледајте ги добро прекрасните решенија и пронајдете ја омилената инспирација и за вашиот животен простор.

СПОДЕЛИ
Претходна објаваАна Голејшка | Урбаниот живот низ секојдневието
Следна објаваФото на денот | Нотр Дам
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ