Ви претставуваме едноставен, но елегантно и убаво среден дом за чиј концепт и уредување е заслужна неговата сопственичка – дизајнерката Tatiana Nicol. Се наоѓа во центарот на Париз, а дизајнот е интересна мешавина на современите и класичните детали, што резултирало во станбен простор полн со индивидуалност. И покрај скромната површина од вкупно 50 метри квадратни, ентериерот делува пространо и функционално. Уште на самиот влез е јасно дека станува збор за личност со истенчен вкус и одлични предиспозиции за планирање на просторот. Отворениот дневен престој и трпезаријата се опкружени со бели ѕидови и таван со истакнати дрвени греди бојадисани во бело, што е паметен трик за визуелно зголемување на домот. Иако станот е уреден и осмислен за живот на една особа, тој е совршено место и за дружење со пријателите. Зоната за опуштање и релаксација се состои од удобен кауч, проѕирна масичка и впечатливо бело столче. Орманот е изработен по мерка, а се протега долж целата соба, издвојувајќи ја дневната зона од спалната, што е видливо и од салонот. Додека во остатокот од станот владеат белите тонови, орманот и спалната соба се шарени и живи. Сепак, вистинскиот успех кај овој ентериер лежи во неговата елеганција која е речиси предвидлива, но потполно едноставна и умерена. Уживајте во разгледувањето и споделете ја омилената идеја од животниот стил на париски начин.

1

2

3

4

5

6

7

8

9

10

11

12

13

14

СПОДЕЛИ
Претходна објаваТанц на "Uptown Funk" на лента за трчање
Следна објаваЦарица – Шан Са
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ