Во пресрет на уште една нова сезона во домот, Zara Home ја претстави неодоливата колекција за пролет/лето ‘15 , полна со убави идеи и инспиративни предлози за будење на сончевото расположение во животниот простор. За таа намена, популарниот шпански бренд понуди повеќе тематски линии на производи и аксесоари за сечиј вкус, исполнувајќи ги сите очекувања на верните купувачи. Новата колекција е шарена и весела, инспирирана од тоновите на природата и синото море, во комбинација со дезени со живописни мотиви, евоцирајќи на раскошот на пролетта и летото како годишни времиња. Трпезата и масите за градината пристигнуваат во живите бои на виталната природа: интензивно зелената и жолтата, топлите земјени тонови и нијансите на деликатните цветови, а во тандем со длабоките тонови на синото море. Богатата понуда вклучува и мини колекција за најмалите членови на семејството, која во целост е посветена на подводниот свет. Инспираjте се од промотивното видео и идиличните фотографии во каталогот на Zara Home, одбирајќи ја омилената тема за внесување на пролетната магија и во вашиот дом.

001 002 003 004 005 006 007 008 009 010 011 012 013 014 015 016 017 018 019 020 021 022 023 024 025 026 027 028 029 030

СПОДЕЛИ
Претходна објаваНеделен репертоар на Драмскиот театар (16.03 – 21.03)
Следна објаваФото на денот | Очи во очи
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ