Друштвото на ликовни уметници на Македонија (ДЛУМ) во соработка со Националната галерија на Македонија вечер во 20 часот во објектот Мала станица ќе отвори ревијална Годишна изложба.
Во чест на сликарот Милош Коџоман, кој почина пред три месеци, ДЛУМ во склоп на изложбата ќе презентира и постхумна поставка за својот член и колега.
– На изложбата, која се организира по 61-ви пат, ќе бидат претставени дела на 83 автори-членови на Друштвото. Уметничкиот Совет на ДЛУМ по повод ревијалната Годишна изложба на отворањето ќе додели признанија од областа на ликовната уметност, од кои најзначајни се наградите „Нерешки мајстори“ за сликарство и скулптура, информира ДЛУМ.
Во склоп на ревијалната изложба годинава ќе се реализира и постхумна поставка во чест на нашиот драг колега и пријател Милош Коџоман.
