000

Доколку сте љубители на естетиката и стилот на парискиот внатрешен дизајн, тогаш подгответе се да бидете воодушевени од изгледот на овој шармантен дом во поткровје. Le Loft des Innocents е инспиративен и интересен тавански стан сместен во француската престолнина, за чиј е редизајн е најзаслужен архитектот Frédéric Flanquart, задолжен за неговата санација по пожарот во кој бил делумно уништен. За дизајнерот било вистински предизвик како да го преуреди просторот и да осмисли комплетно нов ентериер. Клиентот сакал нешто поинакво, по малку амбициозно и креативно, за во целост да се измени неговиот дотогашен животен простор. За таа намена, дизајнерот замислил амбиент кој е удобен за престој во текот на денот, а навечер лесно може да се претвори во вистинско мало царство за уживање. Дрвените греди совршено се вклопуваат во концептот, давајќи му посебен шарм на модерниот ентериер чија основа ја сочинуваат белата, сивата и црвената боја. Станот е со површина од 80 метри квадратни, а неговиот дизајн се заснива на комбинацијата на комплексност, едноставност и игра со светлината. Уживајте во разгледувањето и пронајдете ја омилената идеја или инспирација и за вашиот дом!

001

002

003

004

005

006

007

008

009

010

011

012

013

014

015

016

017

018

019

020

СПОДЕЛИ
Претходна објава12 совети за среќа
Следна објаваШто прави Париз да изгледа како Париз?
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ