Вчеравечер, во Македонскиот народен театар, театрално и уникатно беше претставена новата колекција eсен/зима 2014-2015 со потпис на модната куќа Elena Luka. Големата сцена на театарот беше приспособена за модното дефиле на различните модели, додека музиката во позадина ја дополни драматичноста на самиот настан во рамките на неговото времетраење. Со изразен тоналитет на црната боја, колекцијата беше украсена со златни или сребрени ефекти, како и зачинета со неколку бели парчиња. Официјалниот опис на истата гласи – „Колекцијата се издвојува со оргинален и препознатлив стил и силен драматичен оптикум, кој е спој од богат избор на кроеви и конструкција во комбинација со разновидна материја. „ELigion“, е колекција исполнета со карактеристична структура и слоевита распределба на материја, која се состои од уникатни детали, рачни доработки и аксесоари за различен тип на силуета.“. Ревијата беше посетена од многу љубители на модата, почитувачи на делото на модната ќука, доста јавни личности и медиуми.
Во прилог, следува едиторијалот на истата, каде фотографиите се дело на Дарко Мораитов; додека фотографиите од вчерашната гала-ревија може да ги погледнете на официјалната facebook страница на Elena Luka.