1

Со интимниот амбиент, прекрасните декорации и идејните решенија кои инспирираат, лесно е да ги занемарите минијатурните пропорции на ова станбено катче. Иако располага со површина од само 22 метри квадратни, ентериерот е толку вкусно, пријатно и функционално уреден, што потребата од поголем простор речиси и да не се забележува како недостаток. Малата квадратура е вешто искористена како предност, а погодната висина овозможува добра организација и паметен план во станбениот простор. Така, спалната соба е сместена во галеријата на второ ниво, а под неа, комфорно се сместени дневниот престој и библиотеката. Креирана е отворена целина во кој светлината непречено циркулира, а во распоредот се вклучени и солидно екипирана кујна, трпезарија крај прозорецот, тв-комода и голем орман за складирање. Единствената засебна просторија во станот е малечката, но компактна бања со мозаични плочки. Во ентериерот доминираат белата боја и светлите природни тонови, а романтичните детали совршено се вклопуваат во целиот амбиент. Удобно, практично и со стил – дали се ова најубавите 22 метри квадратни? Доколку се колебате за одговорот, погледнете како изгледа уште еден стан со истата површина, но со сосема поинаков дизајн.

2

3

4

5

6

7

8

9

10

11

СПОДЕЛИ
Претходна објаваНесекојдневни „семејни“ фотографии
Следна објаваМини приколки за миленичиња
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ