Концептуалниот велосипед Kit Bike е револуционерно откритие на студиото Lucid Design, чиј оригинален дизајн овозможува велосипедот да се расклопи по возењето, а потоа и спакува во чанта. Звучи неверојатно, зар не?! ,,Велосипедот во чанта” е составен од 21 парче и мошне брзо се монтира, при што сите делови лесно се прикачуваат и спојуваат еден со друг. Како и кај класичните велосипеди, рамката е конструрирана од празни алуминиумски цевки, поврзувајќи се на челичната конструкција на тркалатa. Едноставниот и модерен дизајн е збогатен со кожено седло, рачки за волан, како и кожена чанта во која може да се соберат сите делови по неговото расклопување. Од тимот на студиото Lucid Design сметаат дека освен за возење, обичните велосипеди не се доволно полезни и практични. Kit Bike е нивното идеално решение за проблемите поврзани со преносот и движењето со велосипедот низ градот, како и неговото чување во домовите, каде често нема доволно место за таа намена. Концептот е добитник на наградата Red Dot 2014, но компанијата се’ уште нема започнато со производство на овој интересен велосипед.

2(5)

3(5)

1 (2)

СПОДЕЛИ
Претходна објаваДетските игри насекаде во светот
Следна објаваНаправи сам | Чоколадно фонду со ликер од цреши
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ