1

Сината, белата, сивата и песокливата нијанса се палетата бои со која елегантно е внесена атмосферата на плажата во ентериерот на овој мал апартман на Азурниот брег. Деликатно се пресликани тоновите на песокот и камењата, синото небо и азурното море, додека светлите бели акценти во внатрешноста ги симболизираат контурите на белите едра на јахтите и облаците над морскиот хоризонт. Станот се наоѓа во гратчето Кап д’Aил, во непосредна близина на Монако, а најзаслужни за неговиот модерен дизајн и префинет изглед се архитектите од NG Studio. Замислен е како мини летна резиденција за одмор во убавините на француската ривиера, обезбедувајќи современо прибежиште за потполно опуштање. Комбинацијата на сензуални и неутрални бои му дава лежерен и смирен амбиент, во тандем со минималистичкиот декор и чистите линии во просторот. Не изостанува ниту луксузната нота, умешно вметната преку изборот на мебелот, аксесоарите и богатите дрвени допири. Креиран е функционален распоред и паметни решенија за складирање, со дневен престој, трпезарија и кујна кои комуницираат во отворен план, како и засебна спална соба, бања и релаксирана тераса за уживање надвор. Целиот стан е компактно уреден, со единствен стил и многу вкус при селекцијата на декоративни елементи. Инспирирајте се!

2

3

4

5

6

7

8

9

10

11

12

13

СПОДЕЛИ
Претходна објаваФото на денот | Нурнување во свежината
Следна објаваМашки тренд | Ленено одело
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ