000

Постојат домови кои освојуваат со интересниот дизајн, инвентивните решенија и практичноста. Има и такви кои со начинот на кој се организирани и средени, совршено потврдуваат дека малите димензии не се пречка за удобен живот. Сепак, покрај сите нив, ќе сретнете и некои толку оригинално и прекрасно украсени, што едноставно заборавате на се’ друго и се вљубувате на прв поглед. Меѓу нив, го препознавме и овој сладок станбен простор, кој сигурно ќе ве воодушеви со својот светол и романтичен изглед. Страста кон винтиџ деталите и снежно белиот амбиент се нештата кои му даваат шарм и автентичност на секое катче. Потсетува на вистинска мини оаза за сонувачи, откривајќи мноштво инспиративни идеи во ентериерот. Со површина од 58 метри квадратни, како ретко каде, на едно место ќе сретнете толку многу свежи и оригинални декорации, ненаметливо издвојувајќи се во сензуалното бело опкружување. Во сличен манир е конципиран целиот животен простор, кој располага со дневен престој, трпезарија и кујна сместени во отворен план, како и засебна спална соба и бања. Белите ѕидови, тавани и подот креираат по малку бајковита атмосфера, збогатена со нежните кафени и виолетови допири, во комбинација со стари и рустични парчиња мебел од дрво и бамбус. И покрај опуштениот и лежерен дизајн, не изостанува ниту функционалноста и комфорот. Прекрасен дом со личен печат – уживајте во глетките!

001

002

003

004

005

006

007

008

009

010

011

012

013

014

015

016

017

018

019

020

СПОДЕЛИ
Претходна објаваМузичка препорака | Jessie Ware
Следна објаваПатување со гигантските „монструми“
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ