1

Иако со скромна површина и ниско закосени тавани, овој мал станбен простор во поткровје има се’ што е потребно за удобен живот, па и повеќе од тоа. Располага со 40 метри квадратни, умешно скроени по женска мера, па е одлична инспирација за сите дами кои живеат самостојно или во двојка, а сакаат дом кој комплетно ќе ги исполни нивните желби. Со добриот план, паметниот распоред и наменското искористување на секој расположлив простор, постигнат е воодушевувачки резултат – станот може да се пофали со комфорен дневен престој со трпезарија, кујна, бања, две спални соби со мини канцеларија, па дури и засебeн простор за гардеробер. Звучи неверојатно, зар не? Целосно е функционален и педантно организиран, со практични решенија кои обезбедуваат доволно место за складирање. Поткровјето е лежерно дизајнирано, со малку декорации, а максимално внимание посветено на топлото интимно чувство во ентериерот. Се сменуваат белата и бледо сивата боја како доминантни тонови, наспроти црните акценти и пријатните дрвени допири. Амбиентот е зачинет со суптилни и минималистички украси, како и свежи цветни аранжмани. Детал кој впечатливо се издвојува е портретот на Одри Хепберн, иконата на стилот, уште еднаш потсетувајќи дека некогаш едноставноста е добитната формула за домот, особено кога е во тандем со добриот вкус. Инспирирајте се!

2

3

4

4a

5

6

7

8

9

9a

10

11

12

12a

12b

13

14

СПОДЕЛИ
Претходна објава10 совети за шминка за секоја жена
Следна објаваМузичка препорака | Jessie Ware
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ