Home Книги Трилери Што би правел јас без тебе – Гијом Мисо

Што би правел јас без тебе – Гијом Мисо

Знаете, книгата често дава чувство на топла прегратка откако успеалa да ве смрзнe до коски, во ненадеен миг… во случајов, истата нуди безлично прашање на избор: помеѓу Оној кој ти дал срце и Оној што направил да чука – мора да се признае, едноставната отменост на Мисо е единствениот пишан повод на денешницава која позитивно би обвило сечие оптимистично, но истовремено реално срце…
Габриел е девојка на релација Париз – Сан Франциско; кариера – исполнет живот; правда – семејство. Со очигледен конфликт на интереси, се што и е приоритет е благосостојбата на нејзиното работно место, стабилноста на нејзиниот живот, вечната потрага по компетентен сопатник.

Но како?
Како, кога случката која по никаква должност не се однесува на неа, и го менува животот од корен?
Како, кога татко и е познат крадец, моментално единствениот осомничен за кражбата од Лувр, единствениот таргет на избраникот на нејзиното срце?
Како, кога двајцата во исто време се појавуваат во нејзиниот живот, повторно?

Начинот и содржината на обновените врски со двајцата најинфлуентни мажи во нејзиниот живот остануваат во нејзина надлежност… она што е на Вас, е да не послушате и да ја прочитате при прва прилика!

Задолжена за најблагорoдната навика, наклонетоста кон книги. Стои на ставот дека умереноста е универзален клуч, нејзината перфекционираност јасно ги селектира информациите со кои врши промоција на книжевната уметност. Живеејќи неколку животи паралелно - како читател и автор, приврзаничка е на ендемичниот вид на автори, модерен конзервативец кога се во прашање вредностите на животот, а истовремено, вечна вљубеничка во убавото.