p0

Станот е поделен на две компактни целини, а уредени се во ист манир, со смирени и топли бои. Во зоната за дневен престој во голем отворен простор комуницираат салонот, кујната и трпезаријата, а другата зона ја сочинуваат спалната соба и бањата. За подот е искористен светол бел материјал, кој во комбинација со сончевата светлина од прозорците создава сјаен ефект во секоја просторија. Светлата основа на подот и плафоните дозволила употреба на малку потемна боја за ѕидовите. Нагласено е отсуството на плочки во кујната и бањата, а заменети се со боја отпорна на влага. Поголемиот дел од мебелот е со едноставни и модерни линии, при што повторно предност е дадена на светлите тонови, како би се избегнало преоптеретување на ентериерот. Во дневната соба со многу вкус се искомбинирани модерни и класични парчиња мебел, облагодарувајќи го дневиот престој со пријатно чувство на топлина. Кујната е отворена и целосно интегрирана во животниот простор, благодарение на компактноста која ја даваат бојата и декорациите на ѕидовите. И во спалната соба продолжува приказната од дневната: слични тонови, едноставен и удобен мебел. Целата спална соба зрачи со лежерност и релаксиран амбиент, а во аголот спроти големиот француски кревет удобно е сместено и катче за читање и опуштање, со преубава бела фотелја и подна лампа. Ни во бањата не се поставени плочки, туку ѕидовите се бојадисани во две бои. Интересен е подот во облик на шах полиња, мијалникот е поставен на рачно изработен држач, а туш кабината е стаклена. Комфорен, топол и модерно уреден стан – пронајдете ја и вашата инспирација!

p1

p2

p3

p4

p5

p6

p7

p8

p9

СПОДЕЛИ
Претходна објаваHISHE | How it should have ended
Следна објаваЧовечки ликови на платно
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ