Доколку сакате да ја видите продавницата слободно посетете го овој линк 

Дека македонската уметност испорачува вредности и во светски рамки, последно сведочи воспоставувањето на креативна соработка помеѓу нашиот етаблиран ликовен уметник Михаил Корубин и ,,GelaSkins”, една од најпознатите компании за производство на уникатни футроли и ,,геласкинови” за мобилни телефони, но и многу други производи од дигиталната технологија.

Уметничките дела на Корубин се дел од најновата линија производи на ,,GelaSkins”, која од денес ќе биде достапна ширум светот. ,,GelaSkins” е позната по ексклузивните дизајнерски и уметнички ,,геласкинови”, создадени од патентиран M3 материјал кој е отпорен на гребење и прашина. Досега имаат соработувано со околу 150 млади и талентирани дизајнери, но и светски познати реномирани уметници и организации, како National Geographic, Tim Burton, и Norman Rockwell.

Во 2014 година, ,,GelaSkins” планира да го прошири својот опус на уметнички производи, збогатувајќи ја понудата со дизајнирани парчиња мебел и облека, а меѓу нив, ќе се најдат и делата со потпис на Михаил Корубин.

СПОДЕЛИ
Претходна објаваИнтересни книжевни факти
Следна објаваЕдиторијал | Metal Magazine
Воден од премисата дека патувањата се празник за душата, а убавиот топол дом нејзино единствено прибежиште, во рамки на креативната страна на животот ги промовира содржините со кои ги збогатува ваквите видици. Неуморен трагач по малите животни радости, со космополитски дух, неизмерна љубов кон животните и пасија кон сите уметнички форми на емотивна експресија. Вљубеник во минимализмот, алтернативната музика, пишаниот збор на Мураками и шармот на Јужна Франција.

НЕМА КОМЕНТАРИ